“Pjesëmarrja është nga më të denjat”, Berisha deklaratë pas mbylljes së votimeve

Sali Berisha në një deklaratë për mediat pas mbylljes së procesit të votimit falenderoi shqiptarët, që siç tha folën me guxim dhe vendosmëri me votën e tyre.

Berisha u shpreh se pjesëmarrja në votime ka qenë shumë më e lartë nga ajo që raportojnë ata që sipas tij, bënë gjithçka për të penguar këtë proces.

“Guximi, vendosmëria, përgjegjësia e qytetarëve sot ishte epike. Pjesëmarrja ka qenë jo ajo që duan ta zvogëlojnë të dëshpëruarit, ata që bënë gjithçka kundër këtij procesi, por një pjesëmarrje nga më të denjat për qytetarët në të katër anët e vendit. Unë kam vlerësimin më të lartë, mirënjohjen më të pakufishme të të gjithë atyre të rejave, të rinjve, burrave dhe grave që qëndruan në krye të përgjegjësisë në komisionet e votimit. U përballën me presione dhe kërcënime nga më të papranueshmet, por kryen me nder para shqiptarëve një detyrë që është mbi të gjitha detyrat. Në kushte paqeje, kjo është detyrë mbi të gjitha detyrat”, tha Berisha.

LEXONI GJITHASHTU:

• Mbyllet zyrtarisht orari i procesit të votimit për zgjedhjet lokale
• Pjesëmarrja në votime deri në orën 18:00