“Ndërhyrje ruse, por dhe kineze”, Mediu flet për format e influencës në Ballkan

Ish-ministri i Mbrojtjes, Fatmir Mediu tha në një intervistë për Euronews Albania se në Ballkan ka ndërhyrje ruse, por edhe kineze.

Duke folur për format e influencës në Ballkan, Mediu tha se parlamenti duhet të fitojë një dimension tjetër në trajtimin e çështjeve të sigurisë.

“Duke qenë një vend anëtar i NATO-s, kohezioni që ne duhet të kemi me Shtetet e Bashkuara të Amerikës dhe me Europën duhet të jetë një lloj kontinuiteti të veprimit parlamentar. Ka disa probleme që lidhen në raport me këtë çështje dhe nuk duhet të jetë vetëm pse vepron Parlamenti Europian, por vetë realiteti që zhvillohet në Ballkan duhet të në mësojë se si duhet të veprojmë,” – u shpreh Mediu.

Sipas tij, influenca e Rusisë dhe Kinës në Ballkan ka nisur të shtohet dhe po krijon tensione dhe efekte që bien ndesh me interesat e Shqipërisë si vend anëtar i NATO-s, por edhe me interesat e vet kombit shqiptar.

LEXONI GJITHASHTU:

• Mediu-opozitës: Duhen lista të hapura, zelli për udhëheqësin po na lë pa shqiptarë
• Trupa shtesë të NATO-s mbërrijnë në Kosovë