Mediu-opozitës: Duhen lista të hapura, zelli për udhëheqësin po na lë pa shqiptarë

Kreu i Partisë Republikane Fatmir Mediu, i pranishëm në seancën plenare këtë të hënë i bëri thirrje grupeve politike opozitare që të shikojnë të vërtetën ashtu siç është.

Sipas tij këto vite  opozita ka shkatërruar vetveten, ndaj ai hodhi si propozim që deputetët të vendosen me lista të hapura dhe jo më nga kryetarët e partive pasi siç u shpreh ai “zelli dhe dashuria për udhëheqësin do e lërë vendin pa shqiptarë”

“Kam një thirrje për kolegët e opozitës, të shohim të vërtetën siç janë. Këto vite kemi shkatërruar vetveten, ndërsa mazhoranca ka përfituar. Ne duhet të kalojmë vetveten.

Si opozitë detyrë kemi garantimin e zgjedhjeve të lira e të ndershme, ta fillojmë nga reforma zgjedhore. Ta nisim me lista të hapura, ku gara vendos se kush janë deputetët dhe jo kryetarët e partive.

E djathta nuk është pazar, por ide që vlerëson vlera, individin dhe padyshim e familjen. Zelli dhe dashuria për udhëheqësin do të na lerë pa shqiptarë nëse vazhdojmë kështu”,-tha Fatmir Mediu.

LEXONI GJITHASHTU:

• Tritan Shehu kërkon mocion me debat për gjenocidin serb: Mbi Kosovën u ushtrua dhunë
• Sula- Manastirliut: Keni krijuar grup parlamentar në burg, do vi dita që ta paguani