Ndërtuan pa leje në zonën e mbrojtur: Arrestohet pronari, procedohet efektivi

Një rast i ndërtimit të paligjshëm në zonën e mbrojtur të Bjeshkëve të Pojanit është goditur nga policia këtë të mërkurë.

Shtetasi E. B., banues në qytetin e Durrësit, u arrestua në flagrancë për ndërtimin e një objekti dykatësh me mur guri në vendin e quajtur “Quka e Ibrahim Osës”, në Njësinë Administrative të Tropojës.

Ndërtimi ishte kryer pa lejen e organeve përkatëse dhe në kundërshtim me ligjin për Zonat e Mbrojtura.

Hetimi i AMP-së çoi gjithashtu në referimin e materialeve proceduriale në Prokurorinë pranë Gjykatës së Shkallës së Parë të Juridiksionit të Përgjithshëm Kukës për punonjësin e policisë, M. M., me detyrë N/Specialist për Policimin në Komunitet në Komisariatin e Policisë Tropojë, i dyshuar për kryerjen e veprës penale “Shpërdorim i detyrës”.

Gjithashtu u procedua penalisht dhe për punonjësi i Agjencisë Kombëtare të Zonave të Mbrojtura, G. H.

LEXONI GJITHASHTU:

• Policia liron trotuaret dhe rrugët e zëna nga subjekte private në plazhin e Golemit
• Lirohen hapësira publike në plazhin e Golemit, 3 persona procedohen për pushtim toke