Sot mbahet ndeshja Shqipëri-Çeki në Air Albania. Ajo pritet të nisë në orën 20:45. Vetëm pak më parë është publikuar edhe formacioni:
Shqipëria: Strakosha; Balliu, Ismajli, Ajeti, Mitaj; Laçi, Asllani, Ramadani; Asani, Bajrami, Tuci.
Çekia: Kovar; Boril, Jemelka, Holes; Provod, Cerv, Soucek, Coufal; Cerny, Sulc, Chery.
Ndërkohë tifozët kuqezi kanë dhuruar spektakël në rrugët e Tiranës. Me thirrje dhe këngë patriotike ata vazhdojnë marshimin. Nuk mungojnë as flakadanët me ngjyrat kuqezi duke i dhënë një pamje të zjarrtë kryeqytetit sot.
Kujtojmë se kjo ndeshje vjen pas një episodi skandaloz në stadiumin “Epet Arena”, në sfidën Çeki-Shqipëri, më 11 Tetor. Tifozët vendas, vendosën flamuj të Shqipërisë me kokën poshtë dhe me kryq sipër shqiponjës dy krenare, mbrapa portës së tyre në pjesën e parë.
LEXONI GJITHASHTU:
- Sportistja nga Përmeti shpallet Kampione Kombëtare në Pingpong
- “Run as One”/ One Albania mbështet eventin më të madh sportiv në kryeqytet
