Ndihmuan 12 emigrantë të kalonin kufirin, në pranga dy persona

Mbrëmjen e djeshme policia ka arrestuar dy persona në Kukës pasi u kapën në flagrancë duke transportuar 12 emigrantë, kundrejt fitimit, me qëllim që të kalonin kufirin në mënyrë të paligjshme.

Në kuadër të operacionit të koduar “Relay”, në pranga ka rënë shtetasi B. M., 56 vjeç dhe M. M., 24 vjeç.

Ndërkohë, u shpallën në kërkim shtetasit Sh. K., 40 vjeç, dhe E. S., 22 vjeç, të dyshuar si të përfshirë në këtë veprimtari kriminale. Vijon puna për kapjen e tyre dhe dokumentimin e plotë të rastit.

Sipas raportimeve, persona  e arrestuar janë kapur në flagrancë nga shërbimet e Policisë, në Kukës, duke transportuar me 2 automjete, 12 emigrantë, të cilëve, kundrejt shpërblimit monetar, iu kishin premtuar transportimin nga kufiri grek, me qëllim kalimin e tyre në pikat kufitare, me destinacion final vendet e BE-së.

Ndërkohë, u sekuestruan në cilësinë e provës materiale 2 automjete dhe 2 aparate celulare.

Materialet procedurale i kaluan Prokurorisë, për veprime të mëtejshme.

LEXONI GJITHASHTU:

• Zbardhet vrasja e Pavlin Prekës në derë të shtëpisë në Shkodër,arrestohen dy autorët
• Kakavijë | Fluks në kufi, emigrantët kthehen për festat e fundvitit