Mediat greke kanë publikuar pjesë nga dëshmia prej 7 orë e gjysmë që drejtuesi i stacionit hekurudhor në Larisa dha përpara hetuesve në lidhje me aksidentin tragjik të trenava.

Vassilis Samaras u përpoq t’ua hedhë fajin makinistëve dhe stacioneve të tjerë hekudhurorë për papërvojën dhe mbingarkesën e tyre në punë, por duke theksuar edhe gabimet e veta.

“Policia më thirri dhe më pyeti nëse kishim një aksident apo një dalje nga shinat. Më pas më thirri zjarrfikësja dhe më njoftoi se kishte pasur një përplasje treni në Evangelismo. Nuk arrij ta kuptoj se si ndodhi. Nuk e mbaj mend agjë se çfarë ndodhi. Unë kisha parë në panel që kur ktheja çelësat, dritat ishin të bardha. Ajo që mund të hamendësoj është se çelësi u angazhua për një moment dhe më pas u shkëput.

Kur drita e llambës është e bardhë dhe nuk pulson, kjo do të thotë që çelësi është i kyçur, domethënë është i siguruar, drejt ose diagonalisht dhe treni mund të kalojë normalisht. Kur drita e llambës është e bardhë dhe pulson, kjo do të thotë se çelësi nuk është i kyçur dhe mjeshtri i stacionit duhet të dërgojë bravandreqësin për ta kyçur atë me dorë. Nëse drita bëhet e kuqe, kjo do të thotë një defekt”, tha ai në kërkim të faljes.

Gjithashtu ai shtoi: Paneli më tregoi se çelësat ishin të kyçur dhe të rreshtuar, drita nga llambat ishte e bardhë dhe e udhëzova bravandreqësin të shkonte te çelësi 101 A dhe B dhe t’i zhbllokonte manualisht kapëset dhe t’i kthente diagonalisht. Rreth orës 22:58, treni 62 mbërriti në Mezurlo, ku ndodhet çelësi 101, dhe i thashë Shoferit të priste sepse bravandreqësi nuk e kishte rregulluar çelësin. Sapo e stabilizoi atë diagonalisht, në mënyrë që treni nga linja e zbritjes në të cilën ka ardhur për shkak të një avarie në Paleofarsalas të kalojë normalisht në vijën e ngjitjes në diagonale, unë informova drejtuesin e trenit 62 me një telegram me numër I. Shoferi i trenit nuk më dha numrin e tij të telegramit, por ai përsëriti atë që i thashë dhe kuptova që ai e kuptoi atë. Unë duhet t’ia ripërsërisja, por dhe ai duhet të më pyeste sërish”, tha ai.

Gjithashtu ai ka rrëfyer dhe rritjen profesionale të tij ndërvite, ku tha se kishte filluar si punëtor krahu në stacionet hekurudhore në vitin 1990 dhe në vitin 2022 ishte bërë drejtues stacioni.

“Në datë 02.07.1989 u punësova në OSE fillimisht si punëtor në slitën e Pelionit dhe pas vitit 1990 erdha në Larisa në degën e bagazheve dhe mallrave, deri në datën 30.4.2011 kur u hoq reparti specifik. Fillova si hamall, më pas peshues dhe për 6-7 vjet kam qenë kryepunëtor. Në vitin 2011, më 1 maj, u transferova si punonjës në Arsimin Fillor të Larisës. Në datën 07.06.2022 me mobilitet të ciklit të parë, jam rikthyer në OSE për të punuar si drejtues stacioni hekurudhor”, tha ai.

LEXONI GJITHASHTU:

• Kolegët i sjellin çantën e shërbimit, varroset mes lotësh zjarrfikësi dhe e dashura
• Homazhe për viktimat në Greqi, qytetarëve e Korçës ndezin qirinj në katedrale
• Me nderime ushtarake, pamjet nga varrimi i studentes shqiptare në Greqi