Ndryshohet struktura e Drejtorisë së Policisë në qarkun Korçë

Drejtoria Vendore e Policisë në Korçë ka bërë ndryshime në strukturën e saj, të cilat vijnë për shkak të riformatimit të sistemit të gradave.

Kështu zv.drejtori i kësaj drejtorie, Ardrit Elmazi është transferuar si  drejtor i Policisë së Kufirit dhe Emigracionit në Kukës. Në vend të tij do të jetë Lorenc Meta, i cili së fundmi ka mbajtur pozicionin e zv.drejtorit në policinë e Elbasanit

Pas largimit të Fabiol Qose si shef komisariati në Maliq, në vend të tij ka ardhur Arjan Boçi i cili më parë ka mbajtur pozicionin e shefit të krimeve në këtë komisariat. Ndërkohë Qose është emëruar asistent i drejtorit në Drejtorinë Vendore të Policisë Korçë

Sefedin Balliu ka marrë postin e komisarit në seksionin e krimeve pranë kësaj drejtorie, ndërsa Asllan Zhivanaj është emëruar si shef i krimeve të rënda.

Burime për Euronews Albania pranë kësaj drejtorie bëjnë me dije se për  shkak të marrjes së gradave, do të ketë lëvizje të tjera në drejtori por edhe në komisariatet e juglindjes së vendit.

LEXONI GJITHASHTU:

• EMRI| Kërkohej nga policia në Tiranë e Durrës, Shkodër, arrestohet “hajduti serial”
• Policia e Shtetit shpall 400 vende të reja pune, kriteret e aplikimit