Ndryshon taksa mbi pagën, rritet pragu i tatimit 23%

Në Shqipëri janë 23 mijë të punësuar, të cilët marrin pagë mbi 200 mijë lekë. Me sistemin fiskal në fuqi, ata paguajnë 23% tatim mbi të ardhurat që marrin, fashë kjo e cila është gati 2 herë më e lartë se tatimi për pagat nën 200 mijë lekë.

Por, ky tatim do të ndryshojë.

Me ligjin në fuqi, të ardhurat e tatueshme nga punësimi tatohen me normat progresive 0,13 dhe 23 për qind.

Pra, të ardhurat nga 600 mijë deri në 2 040 000 lekë tatohen në bazë vjetore me një normë prej 13% dhe të ardhurat vjetore mbi 2 040 000 lekë tatohen me 23%.

Me ndryshimet ligjore që pritet të miratohen, norma tatimore 23%, do të aplikohet, për të ardhurat vjetore mbi 2 600 000 lekë, thënë ndryshe për pagat mbi 217 mijë lekë në muaj.

Në shifra janë rreth 680 mijë punonjës, të cilët vitin e kaluar paguan 57 mld lekë për arkën e shtetit, ose 12 mld lekë më shumë se në vitin 2022.

Për qeverinë, vendimi për të lehtësuar taksimin imponohet nga situata e qëndrueshme që po kalon vendi dhe rritjen e eficencës në mbledhjen e të ardhurave.

LEXONI GJITHASHTU:

• Nga industria ushtarake te pagat e punonjësve në Poliçan, Naço debat me Peleshin
• Forbes zbulon pagat e pilotëve për vitin 2024