‘Në Durrës janë investuar miliarda’, Lita: Jahtet luksoze pa lidhje me Shqipërinë

Gazetari Lavdrim Lita e cilëson të patolerueshme që një port me të gjitha parametrat e sigurisë siç është porti i Durrësit të kthehet në një port jahtesh.

Në një intervistë për Euronews Albania, Lita u shpreh se në portin e Durrësit janë investuara miliarda euro për ta bërë funksional dhe të sigurt, ndërsa vendimi për ta kthyer në port jahtesh është jashtë çdo logjike përfitimi.

“Nga pikëpamja e sigurisë porti i Durrësit i ka marrë të gjitha certifikatat e duhura të sigurisë. Aty ankorohen anije të të gjithë kalibrave. Nëse e bëjmë portin e Durrësit në një port jahtesh, kjo është e patolerueshme. Nuk e di si politika shqiptare merret me tundimi që u ka ofruar Rama, me kompani fantazmë offshore. Janë investuar miliarda euro për ta bërë funksional portin e Durrësit. Të gjitha portet italiane dhe greke dynden me mallra kurse ne bëjmë të kundërtën duke bërë një port për jahte. Kush do ankorohet në këto jahte? Ata që e blejnë naftën pa akcizë? Për çfarë po flasim? Është si ajo legjenda e vjetër gjermane, ne po i biem fyellit për të larguar shqiptarët për ta mbushu me kolonë globalistë që do vijnë të ankorojnë në Durrës jahtet e tyre luksoze pa lidhje me Shqipërinë”, tha Lita.

LEXONI GJITHASHTU:

• Paralajmëron gazetari: Gabimet që po bëjnë me portin e Durrësit
• Opozita kundërshton për portin, Ngjela: Kush i pyet ata, për Shqipërinë është fat