Në gjendje të dehur e pa leje drejtimi, arrestohen 15 shoferë në Tiranë

Policia rrugore bën me dije se 15 shoferë janë arrestuar për drejtim automjeti në gjendje të dehur ose pa leje drejtimi.

Mësohet se 56 leje drejtimi janë pezulluar, për drejtim mjeti nën efektin e alkoolit, për shpejtësi tej normave të lejuara dhe për shkelje të tjera të Kodit Rrugor.

Janë ndëshkuar me masë administrative 559 drejtues mjetesh, për përdorim të celularit gjatë drejtimit të mjeteve.

348 drejtues mjetesh janë ndëshkuar për mosdhënie përparësie këmbësorëve, në vija të bardha.

542 drejtues mjetesh janë ndëshkuar për mosvendosje të rripit të sigurimit.

Janë vendosur 175 masa administrative, për mosvendosje të kaskës mbrojtëse, nga drejtuesit e motomjeteve.

LEXONI GJITHASHTU: 

• Volodymyr Zelensky: Rusia do të mposhtet si nazizmi
• Kujtim Gjuzi thirret në SPAK