Në grevë urie pas humbjes, dy deputetët e opozitës serbe përfundojnë në spital

Gjatë javëve të fundit Serbia është përfshirë nga protesta të shumta të opozitës, pas fitores së partisë së presidentit Aleksandër Vuçiç në zgjedhjet parlamentare që u mbajtën atje.

Opozita akuzon presidentin Vuçiç për manipulim të procesit zgjedhor dhe kërkojnë përsëritjen e votimeve.

Deputetët e Kuvendit të Serbisë, Janko Veselinoviç dhe Danijela Grujiç, të cilët kanë qenë në grevë urie për këtë çështje, kanë njoftuar se do ta ndërpresin atë pas këshillimit me mjekët.

Dy përfaqësuesit e opozitës nisën grevën në shenjë proteste ndaj rezultatit të zgjedhjeve të parakohshme në Serbi.

Veselinoviç ka njoftuar në rrjetin social “X” se të dy politikanët janë vendosur në Qendrën Klinike të Vojvodinës.

“Ne jemi mirë. Mos u shqetësoni. Nuk e kemi përfunduar ende grevën e urisë. Por, me këshillën e mjekut do ta ndërpresim sot”, ka shkruar Veselinoviç në platformën X.

Sipas mediave serbe, Grujiç filloi grevën e urisë më 21 dhjetor, ndërsa Veselinoviç dy ditë më vonë.

Siç e thamë edhe më lart, koalicioni kryesor opozitar, “Serbia kundër dhunës” kërkon anulimin e zgjedhjeve me pretendimin se ka pasur vjedhje votash.

Danijela i ja smo smešteni u bolnicu, Klinički centrar Vojvodine. Dobro smo. Ne brinite. Još nismo prekinuli štrajk glađu. Ali na savet lekara ćemo to danas učiniti. Imamo jednu molbu za sve vas. U subotu budite u Beogradu u 12.00. I još nešto – krađa ne sme da prođe.

— Janko Veselinovic (@j_veselinovic) December 28, 2023

LEXONI GJITHASHTU:

• Lavrov: Perëndimi po kryen grusht shteti në Serbi, duan të rrëzojnë Vuçiç
• Kërcënimet për sulme nga Serbia, SHBA dërgon batalion shtesë në Kosovë