“Ne ishim Koreja e Veriut e Europës”, Rama intervistë për median franceze

“Ne ishim Koreja e Veriut e Europës”. Kështu shprehet kryeministri Rama në një intervistë për median franceze “Francesoir”.

Hapja e negociatave për kreun e qeverisë është një hap thelbësor për Shqipërinë e cila ka qenë për shumë kohë nën regjimin komunist.

“Shqipëria ka qenë vendi më i izoluar nga vendet komuniste. Ne nuk kishim marrëdhënie e shkëmbime madje as me vendet e Lindjes që i përkisnin dikur bllokut komunist. Ne ishim Koreja e Veriut e Europës. Ky është një ndryshim thelbësor shumë i thellë”, thotë Rama.

Por ku e shikon Rama, Shiqipërinë pas një dekade.

“Pas 10 vitesh, ndoshta do të jetë në BE, nëse BE mbetet siç është tani. Në fakt, bota sot ndryshon shumë shpejt, mjafton të shihni situatën aktuale. Pa tragjedi, pas 10 vitesh, Shqipëria do të jetë në BE dhe ne do të bëjmë gjithçka për ta arritur këtë”, shprehet kreu i qeverisë për median franceze.

Kryeministri Rama ndalet edhe tek turizmi për të cilin thotë se ka qenë në shifra të cilat ishin suprizuese.

“Tirana ka rezultuar si vendi më i vizituar pas Antalias, që nga fundi i pandemisë. Këtë nuk e prisnim. Parashikimi ynë ishte 2.9 milion hyrje në Shqipëri, e në fakt deri në fund të vitit do kemi tejkaluar 4 milion”, u shpreh kryeministri.

Gjatë intervistës, Rama është pyetur edhe për menaxhimin e situatës gjatë pandemisë, të cilën e ka konsideruar të suksesshme.

LEXONI GJITHASHTU:

• Porti i Durrësit, Berisha: Rama dha 1.5 mln metër katror truall pa garë
• Rama: KE të shpallë të pavërteta akuzat në raportin e Dick Marty