Një 30-vjeçar malazez është arrestuar në Pikën Kufitare të Muriqanit, pasi rezulton një person i shpallur në kërkim ndërkombëtar nga autoritetet franceze.
30-vjeçari akuzohet në Francë, për veprat penale “Përdhunim dhe Kryerje e marrëdhënieve seksuale me të mitur”.
Interpol Tirana po bashkëpunon me Interpol Parisin/Francë, për ekstradimin e 30-vjeçarit drejt Francës.
“Në hyrje të Pikës së Kalimit Kufitar Muriqan, shërbimet e Policisë Kufitare si rezultat i masave të shtuara dhe shkëmbimit të informacionit me Interpol Tiranën, kanë ndaluar një shtetas të shpallur në kërkim ndërkombëtar: A. D, 30 vjeç, banues në Mal të Zi.
30 vjeçari ishte i shpallur në kërkim ndërkombëtar nga Interpol Paris/Francë, pasi Gjykata e Tribunal Judiciaire De Bethune/Francë, datë 29.07.2024, ka caktuar masën e sigurisë “Arrest me burg”, për veprën penale “Përdhunim” dhe “Kryerje e marrëdhënieve seksuale me të mitur” parashikuar nga Kodi Penal i Francës”, thuhet në njoftimin e policisë.
LEXONI GJITHASHTU:
- Avokati: Vetëm 3% e ngacmimeve në punë raportohen në polici
- Arrestohet 44-vjeçari për ngacmim seksual në Korçë
