Ngacmimi seksual në punë është një fenomen shumë i zakonshëm, shumë i pranishëm, ndonëse jo gjithmonë raportohet në polici dhe bëhet publik duke e konsideruar si një tabu.
Avokati Meshar Selimaj tha për “Good morning Albanians” në Euronews Albania se vetëm 3% e ngacmimeve në punë raportohen në polici.
“Gjatë punës sonë, edhe unë si avokat, por edhe në përgjithësi nga ajo që kam parë dhe hulumtuar nëpër evidencat kriminalisti në polici, prokurori dhe gjykata, del që është numri shumë i vogël, apo shumë i rrallë i raportimeve të ngacmimeve seksuale në vendin e punës,” – tha Selimaj.
Sipas një studimi të organizatës UN Women i cili u publikua së fundmi në Prishtinë, rezulton se në Kosovë 70 për qind e grave besojnë se ngacmimi seksual është dukuri e pranishme në vendin e punës, ndërsa vetëm 9 për qind deklarojnë se janë ngacmuar seksualisht vet ose njohin dikë që ka përjetuar një gjë të tillë.
LEXONI GJITHASHTU:
- 70% e grave në Kosovë besojnë se ngacmimi seksual është i pranishëm në punë
- Arrestohet 44-vjeçari për ngacmim seksual në Korçë
