Aktivisti: Ndreu mos të bëj meme për afrikanët, por të merret me problemet e qytetit

Aktivisti Emiljano Kita ishte këtë të hënë në “Good Morning Albanians” për të folur rreth memeve me afrikanë të kryebashkiakut të Lezhës, Pjerin Ndreu.

Ai tha se kryebashkiaku në vend të merret me memet për afrikanët, duhet të shikojë problemet që ka qyteti i Lezhës, pasi sipas tij ende nga mungesa të furnizimit me energji elektrike e me ujë të pijshëm. Ai tha se në atë qytet ka shumë probleme të cilat duhet të zgjidhen.

“Kryetari i bashkisë Lezhë ka 1001 probleme në Lezhë për t’u marrë. nuk mund të merret me meme, por duhet të merret me rregullimin e infrastrukturës së qytetit. Tre herë u fikën dritat ndërkohë që unë isha në shtëpi, niveli i energjisë elektrike është shumë i dobët. Sa herë ka festa, fiken dritat.

Infrastruktura e qytetit dhe jashtë qytetit është në gjendje të mjerueshme. Është ftohtë, po vjen dimri, do bjerë borë. Shkollat nuk kanë ngrohjen e duhur. Drejtorët e shkollave sot mund t’i marrim të gjithë me rrallë, shpërndajnë postimet e kryetarit të bashkisë, janë të detyruar të shpërndajnë ato, në mënyrë që të ruajnë postin e tyre”,-tha Emiljano Kita.

LEXONI GJITHASHTU:

• A iu dha siç duhet ndihma e parë Dwamenës? Flet koordinatori i Kryqit të Kuq
• Belinda Balluku tregon pse Shqipëria doli nga lista gri e pastrimit të parave