Në protestë dhe për Xhaçkën, Kraja: Kushtetuta trajtohet si fasadë institucionale

Drejtori i Kabinetit të kryetarit të Partisë Demokratike, Akil Kraja tha se një ndër arsye që do të ndalin në protestë në 11 korrik është dhe për heqjen e mandatit të Olta Xhaçkës.

Ai u shpreh se kushtetuta po shkelet në mënyrë të turpshme dhe se sistemi po e trajton kushtetutën si një fasadë institucionale.

“Sot nuk ka ende një vendim, ne me vendimmarrje nënkuptojmë heqjen e mandatit të Olta Xhaçkës dhe pse kemi muaj qe e kërkojmë. Nesër ne do të dalim në protestë dhe për këtë gjë, sepse jemi në një realitet ku Kushtetuta po shkelet nga mënyra më të turpshme. Ju e mbani mend se si një anëtare “gjoja” e Gjykatës Kushtetuese shkoi dhe dha betimin në një notere. Këtu është bërë një sistem që e trajton kushtetutën si një fasadë institucionale, ndërkohë që realiteti është që jemi nën 2 milion shqiptarë, pacientët me kancer akuzohen nga një sistem që e ka mendjen vetëm për të vjedhur”  tha Kraja