Në ‘zemër’ të tërmetit në Turqi, ekipi i Euronews Albania pasqyron situatën në kampe

Ekipi i Euronews Albania ka mbërritur këtë të mërkurë në zonat e prekura nga tërmeti i 6 shkurtit në Turqi.

Gazetari Ardit Hoxha ka raportuar live situatën në qytetin e Adanas, një zonë shumë pranë qyteteve të shkatëruara nga lëkundjet e forta sizmike.

Hoxha mundi të hynte dhe të pasqyronte kushtet brenda një kampi të ngritur për strehimin e personave të prekur nga tërmeti.

Për kamerën e Euronews të pranishmit në kamp u shprehën se i kishin përjetuar shumë keq lëkundjet dhe se ata ndihen shumë keq për atë që ka ndodhur.

“Ndihemi shumë keq”- thonë për Euronews Albania, banorët turq të cilët janë strehuar në kampin e ngritur në qytetin e Adanas.

Ndërkohë gazetari Hoxha tha: “Këto janë dhe çadrat e ngritura në kampin ku strehohen ekipet mjekësore dhe të emergjencave, por edhe banorët e prekur nga tërmeti. Ka një prezencë të lartë të policisë dhe personelit shtetëror për shpërndarjen e ndihmave dhe këshillimit psikologjik. Në Adana temperaturat nuk janë shumë të ftohta krahasuar me ato që ishin në Stamboll, apo në qytetet e tjera të prekura nga tërmeti si Gaziantep”.

LEXONI GJITHASHTU: 

• Euronews Albania raporton nga Adana, gazetari Hoxha jep detaje për situatën në Turqi
• Parashikoi goditjen në Turqi, studiuesi paralajmëron një tjetër tërmet në këtë zonë
• Erdogan do të vizitojë sot qytete të tjera të goditura nga tërmeti