Nën masa të rrepta sigurie, Albi Mecini paraqitet në Gjykatën e Sarandës

Nën masa të rrepta sigurie  ka arritur nga Fieri në Gjykatën e Sarandës, Albi Mecini, i dyshuari për zhdukjen e Leonard Theodhorit, i njohur si “Koçole” dhe Fatmir Sulovarit në muajin prill në Sarandë.

Mecini do të njihet me masën e sigurisë “Arrest ne burg” të vendosur në mungesë ndaj tij për veprën penale “rrëmbimi ose mbajta peng e personit” per ngjarjen e prillit ku ne rrethana misterioze rezultojnë të zhdukur Leonard Thodhori dhe Fatmir Sulovari.

Mecini është shoqëruar nga një furgon i Drejtorisë se Përgjithshme te Burgjeve ndërsa ne mbështetje për ruajtjen e perimetrit te sigurisë janë forcat e FNSH te pajisura me antiplumb. Seanca kryesohet nga Gjyqtari Alban Veçani ndërsa Prokurore është Esmeranda Basho.

Kujtojmë se Albi Mecini u arrestua në flagrancë në aksin rrugor “Mbrostar-Fier”, pasi iu gjetën në automjet 2 çanta me 21.3 kilogramë lëndë plasëse të montuara për shpërthim në distancë dhe me bidona me lëndë djegëse.

LEXONI GJITHASHTU:

• Putin dhe Erdogan do takohen javën e ardhshme në Soçi
• Paketa e Sigurisë në shkolla, Balla: Vendosim perimetër sigurie 50 m rreth objekteve