Digjet raundi i dytë për presidentin, asnjë emër në Kuvend

Në kuvend nuk është dorëzuar asnjë emër për presidentin e ri. Në orën 16:00 ka përfunduar afati i vendosur nga konferenca e kryetarëve për dorëzimin e kandidaturave.

Seanca e posaçme e së hënës në orën 18:00 do të zhvillohet pa asnjë propozim.

Nesër në orën 10:00 do të mblidhet komisioni i ligjeve ku do të konstatojë mungesën e kandidaturave dhe do të përgatisë raportin që do ja përcjellë seancës plenare.

Raundi i dytë pritet të zgjasë pak minuta, pasi fjalën do e mbajë kryetarja e Kuvendit dhe kryetarja e Komisionit të Ligjeve.

Palët politike nuk e gjetën gjuhën e përbashkët për një emër në raundin e dytë.

Ky raund dhe raundi i tretë kërkojnë 84 vota. Nëse as në raundin e tretë nuk do të ketë një kandidaturë atëherë në raundin e 4-t mazhoranca do ta zgjedhë e vetme kreun e ri të shtetit.

LEXONI GJITHASHTU:

• Berisha voton në selinë e PD, sulmon procesin për presidentin: Antikushtetues
• Alibeaj: PS-ja u tërhoq nga marrëveshja për presidentin, nuk pranon konsensusin