Nesër sfida me Spanjën, Gjimshiti: Asgjë nuk është e pamundur, do bëjmë maksimumin

Kapiteni i Kombëtares shqiptare të futbollit, Berat Gjimshiti në konferencën për shtyp krah trajnerit Silvinjo në prag të ndeshjes vendimtare për kalimin e raundit në Euro2024, atë ndaj Spanjës u shpreh se skuadra është ende në garë për kualifikimin dhe se në ndeshjen e nesërme ndaj Spanjës do të bëjnë maksimumin.

Gjimshiti theksoi se ekipi është gati për sfidën e nesërm dhe se ende kemi mundësi për të kaluar grupin.

“Besoj që të gjithë çunat janë gati për këtë sfidë nesër, kemi ende mundësi për të kaluar grupin, të provojmë ta bezdisim Spanjën. Nuk ndikon aspak formacioni i dytë e dimë kë kemi përballë dhe kjo është gjëja me e rëndësishme, nuk e besojmë që do të luajnë me ekipin e dytë. Duhet të fokusohemi në ndeshjen e nesërme, Daku ka bërë një gabim por kërkoi falje. Do kemi një kundërshtar të vështirë dhe kjo është ajo për të cilën duhet të fokusohemi. Asgjë nuk është e pamundur në jetë, por do të jetë ndeshje e vështirë, duhet të tregojmë pse jemi këtu, dhe do tentojmë të bëjmë më të mirën nesër”, tha Gjimshiti