Nesho: Shkarkimi i Metës, përpjekje për të marrë të gjitha institucionet

Ish-diplomati Agim Nesho e sheh përpjekjen e mazhorancës për shkarkimin e presidentit pjesë të projektit të kryeministrit për të pasur nën kontroll të gjitha institucionet.

Nesho tha në emisionin ‘Now’ se presidenti nuk mund të gjykohet nga fjalët, por veprimet që sipas tij kanë qenë në mbrojtje të shtetit ligjor.

“Kjo është prapaskenë politike me një parlament që u përdor për të marrë edhe institucionin e fundit që është presidenti. Kemi një shtet virtual që përpiqet të thotë se kam marrëdhënie me popullon pa respektuar institucionet që kërkon t’i godasë. Kjo është brenda një projekti të Ramës që të marrë të gjitha institucione”, u shpreh Nesho.

Sipas ish-diplomatit, në strategjinë e Ramës është goditja e liderëve të fortë, si Berisha e Meta që i sheh ‘pengesa të instalimit të regjimit të tij’.

LEXONI GJITHASHTU:

• Gjykata Kushtetuese shtyn më 3 shkurt seancën për Metën
• Pse procedura e shkarkimit të Metës është politike, sipas avokatit