Neymar drejt Arabisë Saudite, L’Equipe: Kontrata çështje orësh, ja sa do të fitojë

Në Francë, finalizimi i kalimit të Neymar nga Paris Saint-Germain te Al Hilal konsiderohet çështje kohe.

Siç zbulon gazeta franceze “L’ Equipe”, drejtuesit e kampionëve francezë kanë rënë dakord me sauditët dhe braziliani duket se do të vazhdojë karrierën e tij në ligën arabe.

Neymar, i cili ra dakord për një kontratë dyvjeçare për 160 milionë euro me Al Hilalin, pritet të “fluturojë” në Arabinë Saudite në orët e ardhshme, për të finalizuar marrëveshjen.

Brenda kësaj të hëne pritet të zbardhen dhe detajet e fundit të marrëveshjes mes dy klubeve. Sulmuesi brazilian edhe pse në një moshë shumë më ë re, duket se do të ndjekë Cristiano Ronaldon, dhe Karim Benzemanë, por dhe yje të tjerë që kanë zgjedhur Arabinë Saudite për shkak të kontratave të majme.