“Nga mijëra zyrtarë 10-15 po gjykohen”, Klosi: Llogarinë e japim para njerëzve

Sekretari i përgjithshëm i Partisë Socialiste, Blendi Klosi komentoi në emisionin Review në Euronews Albania Kongresin e PS të zhvilluar një ditë më parë dhe fjalimin e kryeministrit lidhur me drejtësinë.

Klosi u shpreh se një nga premtimet më të mëdha të PS kur erdhi në pushtet ishte një drejtësi e pavarur dhe ajo po bëhet realitet.

Teksa iu referua zyrtarëve socialistë të cilët po hetohen nga SPAK, Klosi e cilësoi normale që në mijëra zyrtarë që kanë firmosur në 10 vjet qeverisje, 10-15 prej tyre po gjykohen.

“PS në këto 11 vjet qeverisje qendrore dhe shumë vite të qeverisjes lokale ka prodhuar qindra kryetare bashkie e ministra. Ka kaq qindra individë që kanë firmosur dhe në ta ka 10-15 që po gjykohen, në mijëra njerëz që kanë marrë vendime. Llogarinë e japim para njerëzve, kjo është përgjegjësia politike. Llogaridhënia është zgjedhje, dhe nga 10 zgjedhjet e fundit, 9 janë fituar nga Rama”, tha Klosi.

LEXONI GJITHASHTU:

• Rama: Në pranverë do të ketë Kongres Zgjedhor të PS, për Kryesi dhe Asamble të re
• Rama: Pa PS, nuk kishte anglo-amerikan që bënte reformë drejtësie në Shqipëri