Aktori i madh Mirush Kabashi u nda nga jeta një ditë më parë në moshën 75-vjeçare. Aktor i rreth 100 roleve në teatër dhe filma, Mirush Kabashi që prej vitit 2014 mbante titullin e lartë “Nderi i Kombit”.
Miqtë e tij, Bujar Kapexhiu dhe regjisori Ilir Harxhi ndanë në emisionin GoodMorning Albanians në Euronews Abania kujtimet me aktorin e madh.
Ilir Harxhi regjisor tregoi në se Mirush Kabashi ishte i pasionuar pas notit dhe kishte mundur të përshkonte distancën nga Sazani në Vlorë me not.
“Ishte njëri që punonte shumë, ata që e kanë njohur e dinë se çdo ditë ai bënte kilometra të tëra not aq sa nuk bënte njeriu me ecje. Shkonte nga plazhi në port dhe kthehej, distancë rreth 10 km. Nga Sazani ka ardhur në Vlorë me not. Kjo tregon për një shpirt vital sepse po kujtoj me dhjetëra role që ka lënë, se në fund të fundit shpirti i artistit vazhdon të jetojë përmes karaktereve të tij”, tha regjisori.
LEXONI GJITHASHTU:
- Ndarja nga jeta e Mirush Kabashit, Albin Kurti letër familjes së tij: Dha gjithçka!
- Kurti: Mirush Kabashi do të kujtohet për interpretimet e tij mjeshtërore
