Ngjarja në Suedi dhe situata te Reali, Mbappe thyen heshtjen: Jemi qenie njerëzore

Kylian Mbappe thotë se reagoi me mosbesim kur pa raportimet e mediave nga Suedia dy muaj më parë se ai ishte subjekt i një hetimi për përdhunim.

Ylli i Real Madrid foli për këtë rast publikisht për herë të parë në një intervistë të transmetuar të dielën në stacionin televiziv francez Canal Plus.

“Kam mbetur i befasuar nga gjithçka është shkruar. Ndodhin gjëra që nuk i sheh kurrë të kenë ndodhur vërtet. Nuk kam marrë asnjë mesazh për të folur për ato çfarë u shkruan për mua. Kam lexuar të njëjtën gjë si gjithë të tjerët, qeveria suedeze nuk tha asgjë. Unë nuk jam i përfshirë. Nuk më ka shqetësuar, sepse nuk jam ndjerë kurrë i përfshirë. Kisha pesë ditë të lira dhe vendosa të largohesha. Më duhej të shkoja diku tjetër, por trajneri më tha të shkoja diku më pak të ekspozuar. Para se të largohesha, më bënë një foto duke dalë nga restoranti. Kishte shumë njerëz të gatshëm për të më përshëndetur në dalje. Kur hipa në aeroplan, mora lajmin. Nuk e kam idenë se kush është (ankuesja)”.

Disa media suedeze raportuan në tetor se Mbappe ishte subjekt i një hetimi për përdhunim pas një vizite në Stokholm gjatë pushimit nga të luajturit për Madridin dhe Francën. Në atë kohë, ekipi ligjor i Mbappe i hodhi poshtë këto raporte si të rreme.

Mbappe shtoi se ai “do të shkonte” në Suedi nëse do të thirrej ndonjëherë, por se ai nuk është kontaktuar nga autoritetet.

Kur raportet u shfaqën në tetor, autoritetet suedeze konfirmuan se po hetonin një përdhunim të dyshuar në një hotel në Stokholm, por nuk përmendën asnjë të dyshuar.

Një prokuror i tha gazetës suedeze Aftonbladet në fund të muajit të kaluar se hetimi ishte ende në vazhdim, por nuk dha detaje të tjera.

Madridi një skenë e re 

“Jam shumë i lumtur. Po filloj një fazë të re në jetën time. Përvoja ime e parë jashtë Francës. Po zbuloj një vend të mrekullueshëm, me njerëz mikpritës. Është një vend i mrekullueshëm. Ju zbuloni një kontekst të ri, një klub të ri, një klimë e re, një mjedis i ri. Unë do të jem i suksesshëm këtu”.

Kritikat

“Njerëzit na shohin si robotë, ka një rreth që e dëshiron këtë. Por kur vjen ora e së vërtetës, edhe ne jemi qenie njerëzore si gjithë të tjerët. Njerëzit na kritikojnë dhe na lavdërojnë”.

LEXONI GJITHASHTU:

• “Real Madridi nuk është PSG”, Ronaldo: Mbappe duhet t’i bëjë ballë presionit
• Ancelotti dhe Bellingham krah Mbappe në këtë moment të vështirë, trajneri jep kurën