Ngjela: Rama donte Berishën në zgjedhje, Alibeaj të fillojë lojën e të djathtës

Avokati Spartak Ngjela thotë se kryeministri Edi Rama do preferonte që KQZ-ja të regjistronte Sali Berishën në zgjedhjet lokale të 14 majit.

Në një intervistë për Euronews Albania, Ngjela u shpreh se me Berishën në krye të opozitës, Rama del gjithmonë fitues.

Sipas Ngjelës, Enkelejd Alibeaj duhet të fillojë të pastrojë të djathtën.

“Ai duhet t’i seleksionojë dhe të fillojë lojën e madhe të së djathtës sepse fakti që Rama nuk e dorëzoi dot, me Celibashin, është i mërzitur. Rama donte Saliun, kuptohet. Nuk e ka të lehtë rikonfirmimin, por donte Saliun sepse fiton gjithmonë. Është normale në politikën shqiptare kjo, Rama kërkon të mbajë Saliun.

Fakti që kërkon të mbajë Saliun, e do sepse ai nuk ka vota, jo sepse ka marrëdhënie reciproke politike me të. Kjo që ndodhi, ai është i mërzitur, ai e drejtonte Celibashin, Rama. Menduan që të nxirrin Saliun, nuk e nxorrën dot në pah”, theksoi ai.

LEXONI GJITHASHTU

• Rama zbulon emrin për kreun e ri të SHISH: Ia paraqita sot Presidentit Begaj
• Arrestimi i Allës, kreu i PD-së në Bulqizë: Ishte përdorues i lëndëve narkotike
• Berisha: Basha dhe Alibeaj s’kanë lidhje me PD, Rama po i përdor pa mëshirë