Mbajti të ngujuar 6 vjet familjen për bindje radikale, arrestohet 52-vjeçari

Një 52-vjeçar nga Tirana është arrestuar pas një operacioni të Antiterrorit dhe Komisariati i Policisë Nr. 4 pasi mbante të ngujuar prej 6 vjetësh gruan dhe fëmijët.

Policia njoftoi se pas hetimeve bazuar në inteligjencën informative, kanë organizuar dhe finalizuar me sukses operacionin policor të koduar “Ngujimi”, në kuadër të të cilit u bë arrestimi në flagrancë i shtetasit  Xh. (Gj). Ll., 52 vjeç, banues në Tiranë, i dënuar më parë për armëmbajtje pa leje.

Nga verifikimet e kryera ka rezultuar se 52-vjeçari, prej më shumë se 6 vitesh, mbante të mbyllur duke i dhunuar sistematikisht dhe kërcënuar me armë të ftohta, bashkëshorten dhe dy fëmijët e mitur, të cilët nuk i lejonte të frekuentonin shkollën, për shkak të bindjeve të tij radikale.

Gjatë kontrollit të banesës u gjetën dy mjete prerëse thika ndërsa gjatë kontrolleve të ambienteve përreth banesës, në oborr, u gjetën dhe sekuestruan 700 fishekë luftarak dhe krehra automatiku.

LEXONI GJITHASHTU:

• Përplasi për vdekje të moshuarin në Fier, arrestohet pas 4 ditësh shoferi
• Arrestohet në Morinë serbi në kërkim ndërkombëtar