Nik Gjeloshaj sërish në krye të Tuzit, analisti: Duhej patjetër fitorja e dytë

Sipas rezultateve paraprake koalicioni “Forumi Shqiptar” i kryesuar nga Nik Gjeloshaj ka siguruar 18 mandate nga 32 në zgjedhjet lokale të zhvilluara të dielën në Tuz.

“Praktikisht këtë herë e ka edhe më lehtë sepse nuk ka pse të shkojë në drejtim të një koalicioni. Besoj se do të marrë edhe grupe të tjera sepse këtu janë praktikisht 4 lista që kanë fituar vota, besoj që demokratët do t’i fusë në pushtet, ndërsa dy grupe të tjera do të jenë jashtë, do të qëndrojnë në opozitë,” – u shpreh analisti në Malin e Zi, Nikollë Berishaj.

Në një intervistë për Euronews Albania, ai tha se fitorja e mandatit të dytë ishte shumë e rëndësishme në mënyrë që të mund të vijojë zhvillimi i Malësisë.

Fitorja është pritur me festë dhe entuziazëm nga mbështetës të shumtë të cilët kanë pritur deri në fund numërimin e votave.

Në koalicionin “Forumi shqiptar” të udhëhequr nga Alternativa Shqiptare e kryetarit aktual të komunës së Tuzit, Nik Gjeloshaj, bëjnë pjesë edhe Lidhja Demokratike e Shqiptarëve, Unioni Kombëtar Shqiptar dhe Lidhja Demokratike në Mal të Zi.

LEXONI GJITHASHTU:

• Fitore absolute, shqiptarët triumfojnë në zgjedhjet në Tuz
• Sot mbahen zgjedhjet lokale në Tuz, 4 koalicione dhe 3 parti në garë