Nikolla Gruevski mes 7 personave në listën e zezë të SHBA

Zyra e Departamentit amerikan të Thesarit për Kontrollin e Pasurive të Huaja  publikoi të hënën një listë të të sanksionuarve për vepra korrupsioni, në të cilën përfshihen gjithsej shtatë persona nga Ballkani Perëndimor.

Në listën e Departamentit të Thesarit është edhe ish-kryeministri i Maqedonisë së Veriut, Nikolla Gruevski, dhe ish-shefi i Drejtorisë së Sigurisë dhe Kundërzbulimit në këtë vend, Sasho Mijalkov

Nga Bosnje e Hercegovina janë: ish-nënkryetari i Partisë për Veprim Demokratik Asim Sarajliç, dhe ish-kryeprokurorja Gordana Tadiç.

Mes 7 personave të shpallur non grata nga SHBA janë edhe biznesmenët shqiptarë Aqif Rakipi dhe Ylli Ndroqi.

Pas SHBA-ve edhe Britania e Madhe ka nisur politiken e sanksioneve ndaj politikanëve të Ballkanit.

Pre e sanksioneve britanike kanë rënë politikanët serbë të Bosnjës, Millorad Dodik dhe Zhelka Cvijanovic, të etiketuar më parë si non grata nga DASH për shkak të përpjekjeve të tyre për të minuar legjitimitetin e Bosnje-Hercegovinës.

Sanksionet, të cilat përfshijnë ngrirje të aseteve dhe ndalesë në udhëtim, janë të parat kundër zyrtarëve në Bosnje, që bëhen të ditura nga Mbretëria e Bashkuar.

LEXONI GJITHASHTU:

• Shpalljet ‘non grata’ në Ballkanin Perëndimor, reagon Blinken
• SHBA shpall ‘non grata’ Aqif Rakipin dhe Ylli Ndroqin