Kryetarja e Kuvendit të Shqipërisë, Lindita Nikolla, ka uruar Ditën e Çlirimit përmes një postimi në rrjete sociale.

Nikolla nënvizon se çlirimi i Shqipërisë nga Lufta Antifashiste Nacional-Çlirimtare është një moment i rëndësishëm për Shqipërinë, pasi e pozicionoi në anën e duhur të historisë.

Kryeparlamentarja nderoi dëshmorët e rënë si dhe theksoi se lufta e ashpër kundër pushtuesve është një frymëzim i madh për çdo shqiptar.

“Kryetarja e Kuvendit, znj. Lindita Nikolla, përshëndetje me rastin e 29 Nëntorit, Ditës së Çlirimit.

“29 Nëntori, Dita e Çlirimit, është kurorëzimi i Luftës Antifashiste Nacional-Çlirimtare të popullit shqiptar.

Çlirimi i Shqipërisë është një vepër monumentale e partizanëve shqiptarë, të mbështetur nga populli, të cilët në Luftën e Dytë Botërore e vendosën Shqipërinë në anën e duhur të historisë.

Lufta e ashpër kundër pushtuesve në malet, luginat, fshatrat, qytetet, në çdo pëllëmbë të territorit të Shqipërisë është një sakrificë e madhe, por edhe një frymëzim i madh.

Antifashizmi, liria dhe vlerat demokratike qëndrojnë në themelet e Shqipërisë evropiane, një anëtare e denjë e NATO-s, kontribuese e paqes, sigurisë dhe stabilitetit në Evropë e në botë dhe promotore e zhvillimit, integrimit dhe bashkëpunimit në rajon.

I bashkohem sot mirënjohjes e nderimit për dëshmorët, veteranët e Luftës, çlirimtarët e Shqipërisë.”, shkroi Nikolla.

LEXONI GJITHASHTU:

• “Me fotografinë e Enver Hoxhës në duar”- Veteranët festojnë 29 Nëntorin
• Krerët më të lartë të shtetit homazhe për Ditën e Çlirimit te varrezat e dëshmorëve