Nis censi i popullsisë, Soreca: Proces i rëndësishëm për negociatat

Censi i popullsisë në Shqipëri pritet të nisë zyrtarisht më 18 shtator. Sakaq këtë të hënë u mbajt dhe ceremonia hapëse, ku morën pjesë dhe kryeministri Rama dhe Ambasadori i Bashkimit Evropian në Shqipëri Luigi Soreca.

Në fjalën e tij ky i fundit tha se ky ishte një moment i rëndësishëm për Shqipërinë, jo vetëm zhvilim i sistemit statstikor por edhe për negociatat e antarësimit të Shqipërisë në BE.

“Siç e dimë, Shqipëria në rajon, në përgjithësi përballet me sfida specifike demografike e kësisoj është e rëndësishme që të ketë informacione të besueshme statistikisht, sa i përket kësaj pjese që kanë të bëjnë me strehimin, me çështjet sociale, gjithashtu me mbrojtjen e grupeve në nevojë dhe atë të pakicave. Ky cens dhe zhvillimi i mëtejshëm i sistemit statistikor në Shqipëri është sigurisht mjaft i rëndësishëm edhe në kontekstin e negociatave për antarësimin e Shqipërisë.

Ndërkohë kryeministri Rama në fjalën e tij tha se është e rëndësishme që numri i shqiptarëve që jetojnë brenda vendit të jetë real.

“Është e rëndësishme për vendin tonë që numri i shqiptarëve që jetojnë në këtë vend të jetë real që askush të mos thotë as që janë shumë dhe e i keni shtuar rrugëve dhe as që janë pak, e duke qenë pak jeni një vend që nuk meritonin vëmendjen që pretendoni” tha Rama.

LEXONI GJITHASHTU:

• Censi i popullsisë dhe banesave, Rama: Ishte nevojë urgjente, INSTAT i depolitizuar
• Censi i popullsisë nis më 18 shtator, Drejtoresha e INSTAT zbulon si do organizohet