Nis mbledhja informale e qeverisë në Tepelenë, çfarë pritet të ndodhë

Që prej orës 12 të së premtes kryeministri Rama ka nisur një takim informal pune me kabinetin qeveritar në Tepelenë. Qëndrimi i tyre do të zgjasë deri të shtunën.

Korrespondenti i Euronews Albania, Blerim Kore tha se në këtë mbledhje nuk do të merret në analizë vetëm ecuria e kabinetit qeveritar. Pas mbledhjes së Asamblesë Kombëtare të Partisë Socialiste ku u ndryshua sekretariati, pritet që edhe në këtë takim pavarësisht se informal, të merren vendime të rëndësishme.

Nuk ka asnjë njoftim zyrtar për çfarë do të diskutohet, por pritet që kryeministri Rama të publikojë ndonjë foto bashkangjitur me përshkrimin siç bën zakonisht pas të tilla analizave.

“Deri tani nuk kemi asnjë deklarim të ministrave apo kryeministrit Rama para se të hynin në mbledhje, por kemi parasysh një koment të tijin të bërë në Asamblenë Kombëtare të Partisë Socialiste ku kryeministri tha se në takimin e Tepelenës do të merren vendime të rëndësishme sa i takon ecurisë së kabinetit qeveritar,” – u shpreh Kore.

LEXONI GJITHASHTU:

• Barut në duar pas vrasjes së Ramazan Sinos, Gjykata lë në burg Valter Bamin
• “Priten ndryshime”, gazetari: Rama do që PS të përfaqësohet nga gjeneratat e reja