Nis tërheqja e policisë së Kosovës nga objektet e komunave në Veri

Policia e Kosovës ka nisur t’i reduktojë trupat e saj në objektet komunale në veri të vendit, pas pranimit të vendimit të Qeverisë.

Reduktimi i forcave policore ka ndodhur para mesnatës së mbrëmshme, ndërsa KosovaPress mëson se këto lëvizje  janë zhvilluar paralelisht nga komunat Leposaviç, Zveçan dhe Zubin Potok.

Zëvendësdrejtori i policisë për rajonin e veriut, Veton Elshani, ka bërë të ditur për KosovaPress se ka filluar të implementohet vendimi i Qeverisë së Kosovës  për tërheqjen e njësisë speciale nga veriu.

“Po, ka filluar reduktimi i njësive policore nga komunat ku kemi qenë prezentë. Gjatë ditës së sotme pritet të përfundojë operacioni”, ka thënë nënkoloneli Elshani.

LEXONI GJITHASHTU:

• Qeveria e Kosovës njofton dakordësinë me BE-në, zvogëlohet prania policore në Veri
• Rama takon senatorët amerikanë në Samitin e NATO-s: Fokus, shtensionimi në Veri