Nisi punë në moshën 17-vjeçare, gjyshja saldatore që trajnon edhe burrat

Hamide Blaceri është mama, gjyshe, e cila gjithë jetën ka punuar “një punë burrash”, por ja ka dalë të jetë një profesioniste e vërtetë.

Sot, në moshë pensioni vazhdon të bëjë të njëjtën gjë dhe rrëfen edhe xhelozinë e bashkëshortit.

Ajo tregoi se ka nisur të bëjë këtë punë që kur ishte 17 vjeçe.

“Mbarova shkollën 2-vjeçare, siç na e caktonte komuna. Në atë kohë drejtoria të çonte në shkollë pa shkëputje nga puna, shkova në punë mekanike e përgjithshme. Në atë kohë doja të bëhesha mësues, sot nuk e dëshiroj. Kishte me dhjetëra dhe qindra vajza të tjera që bënin të njëjtën punë, në atë kohë nuk të paragjykonte njëri. E kisha një njollë në biografi nga nëna. nuk më lejuan të regjistrohesha në shkollën që doja. Atyre në shtëpi u thosha që kam marrë një profesion burrash, ishim në kolektiv me puna. Puna e parë kam salduar konstruksione për ndërtim, ndërtimi i parë ka qenë fabrika e çelikut”, tregoi ajo.

LEXONI GJITHASHTU:

• Dy muaj pas operimit të tumorit u ktheva në punë, rrëfehet gjyshja saldatore
• Aktori amerikan: Gjyshja ime është arbëreshe, fliste gegërisht