Karnavalet do të mbahen këtë fundjavë në qytetin turistik të Korçës. Aktorja Zamira Kita, në një intervistë për Euronews, e veshur me kostumin e festës, tha se aktivitetet do të zhvillohen gjatë gjithë të premtes dhe të shtunës. Ajo shtoi se përveç paradës do të ketë dhe koncerte dhe shfaqe të ndryshme.

“Karnavalet kanë nisur që dje sepse grupi nga Bullgaria erdhi që dje, dhe pasdite ka qenë nëpër rrugët e qytetit të veshur me rroba banje. Ai është një ndër grupet që do të performojnë sot dhe nesër në rrugët e qytetit të Korçës, por do të jenë plot 28 grupe që do të parakalojnë në paradë. Në paradë do të paraqesin kostumet e tyre bashke me muzikë. Kemi ngritur dhe një skenë tek pazari ku grupet do të paraqesin fabulat e tyre” tha ajo.

Kita tha se është hera e parë që kaq te huaj kanë marrë pjesë në karnavale. Grupet vijnë nga vende te ndryshme te Ballkanit.

“Kemi 6 grupe të huaja. Është risi të them të drejtën sepse është viti i parë që kemi kaq shume grupe të huaja. Kemi grupe nga Italia, nga Greqia, Bullgaria, Mali i Zi, Serbia dhe Maqedonia e Veriut, pra kemi shumë grupe te huaja që do ti bashkohen 22 grupeve të Korçës” tha Kita.

LEXONI GJITHASHTU

• Digjet Dordoleci, përfundojnë karnavalet e Shkodrës
• Dita botërore e fëmijëve, aktivitetet dhe rrugët që bllokohen në Tiranë