17 shkurti ka startuar mes aktiviteteve të shumta festën e Karnavaleve tradicionale në qytetin e Shkodrës.

Kanë qenë fillimisht nxënësit e shkollave që kanë përformuar në pedonalen e qytetit bejtën tradicionale të karnavalit.

Drejtoresha e kulturës në Shkodër, Sara Smaja , jep detaje nga organizimet që janë menduar për festën e karnavalit përgjatë shtatë ditëve në qytetin e Shkodrës.

““Shfaqje të tilla sit e sheshi te pedonalja duke vallëzuar pasditet që do të jetë bashkia e hapur me puntori, do të ketë muzikë më Dj, mapping show në fasadën e bashkisë për arritur te fundjava pastaj që na pret me shumë surpriza , do ketë koncerte të premten në darkë, të shtunën në darke. Të shtunën për herë të parë bëhet parade e madhe pasdite e cila do të jetë me spektakël dritash, me butafori të mëdha , me muzikë”,-tha Sara Smaja.

Festimet do të kulmojnë të dielën kur bëhet dhe djegia e dordolecit, simbol i karnavalit.

Përveçse si qendra e festimit të karnavaleve në Shqipëri, Shkodra njihet edhe si qyteti i prodhimit të maskave të famshme veneciane, që u japin jetë festave të tilla.

Tradita e festimit të karnavaleve në Shkodër daton që në 1860, për tu ndërprerë gjatë periudhës moniste e për tu rikthyer pas shembjes së këtij sistemi.

Karnavalet e Shkodrës gjithnjë kanë dhënë një imazh spontan, por të lidhur në mënyrë konkrete me rrënjët historike dhe kulturore të këtij qyteti.

LEXONI GJITHASHTU:

• Scholz: Të mos ketë ndarje mes SHBA-së dhe BE-së në bisedimet për paqe në Ukrainë
• Papunësia në nivele të larta, të huajt gjejnë treg pune në Shqipëri