“Një nga netët më të vështira të jetës” – Kanoset familja e kandidates për deputete

Një i ri i dhunshëm, nga Kamza, ka kërcënuar me thikë fëmijët dhe bashkëshortin e Matilda Qurkut, kandidate e PD-së në Sarandë.

Ai ka ndjekur më pas makinën e familjes dhe e ka goditur pesë herë, ndërsa fëmijët bërtisnin “Na ndihmo, po na v*et!”. Ngjarja ndodhi pranë lokalit të familjes. Çela është shpallur në kërkim, ndërsa Qurku kërkon mbrojtje për familjen dhe ndërhyrje të menjëhershme të policisë.

POSTIMI I MATILDA QURKUT:

Një nga netët më të vështira të jetës sime si nënë.

Një person i dhunshëm, pa asnjë arsye, u shfaq me th*kë në dorë para lokalit tim.

U afrua makinës ku ishin fëmijët e mi (2 dhe 10 vjeç), dy nipërit dhe bashkëshorti.

Kur nipi pa a*mën, i thotë:

“Jepi gaz se ka a*më!”

Elidoni largohet për të shpëtuar fëmijët, por më telefonon menjëherë:

“Dil ndihmo Donin, po i afrohen me a*më!”

Babai im ishte shumë pranë agresorit.

Dal pa menduar dy herë dhe i dal përballë.

Reaguan edhe qytetarë të rastësishëm që i falënderoj me gjithë zemër.

Agresori largohet… por jo për t’u ndalur.

Ai ndjek makinën dhe e godet pesë herë me radhë, me shpejtësi dhe qëllim të qartë për të bërë keq.

Zëri i nipit tim në telefon që bërtiste:

“Na ndihmo, po na v*et!”

është diçka që s’do ta harroj kurrë.

Mbrëmë më keni parë të vrapoja si “e çmendur” rrugëve të lagjes në kërkim të familjes sime që dikush po përpiqej t’ma v*iste – pa bërë asnjë faj.

E vetmja lidhje me këtë njeri është se prindërit e tij, ish-punonjës në biznesin tim, janë larguar me dëshirën e tyre dhe në paqe totale duke marrë pagesën e kërkuar.

LEXONI GJITHASHTU:

• Kanosi dhe tentoi të përplaste me makinë punonjësit e UKT-së, arrestohet 33-vjeçari
• Parandalohet ngjarja kriminale/ Kanosi bashkëjetuesen, arrestohet 45-vjeçari