“Një shqiptar vritet në Itali”-Gazetari i Euronews befason me një libër policesk…

Gazetari Genc Frashëri ishte mëngjesin e kësaj të mërkure i ftuar në “Good Morning Albanians” këtë herë jo si gazetar që mbulon lajmet e botës, por si shkrimtar.

Ai ka botuar së fundmi librin “Rrethana të gabuara”, një triller klasik për një ngjarje të kohëve tona, me një dedektiv shqiptar i cili transferohet në Firence.

Në studion e Euronews Albania shkrimtari Frashëri bëri një përmbledhje të shkurtër të këtij romani policor.

“I lodhur nga burokracitë e shtetit shqiptar, kriminologu Tomi Shehu transferohet në Firence për të nisur një aventurë të re si detektiv privat. Edhe pse shpreson që lidhjet me Shqipërinë t’i ketë lënë pas, çështja e parë që do t’i bjerë në dorë do të jetë ajo e vrasjes së një adoleshenti shqiptar në qytetin e Rilindjes.

Hetimet për zbardhjen e vrasjes do ta orientojnë në pista të ndryshme si: konflikti mes dy fiseve shqiptare, prishje të pazareve me mafien vendase dhe sherre mes adoleshentëve. Në fund, Tomi do të arrijë të hedhë dritë mbi ngjarjen, i ndihmuar edhe nga dy miqtë e tij; policja bukuroshe Rozaria Pinto dhe prokurori i Antimafias, Alesio Salvo”,-tha Frashëri.

LEXONI GJITHASHTU:

• Gjirokastra binjakëzohet me Bujanocin, marrëveshje në arsim, turizëm e kulturë
• “Jemi votues pa kulturë demokratike”, Keta: Shqiptarët gënjejnë për votën