Një trajner i ri për Brojën, tekniku rikthehet te Everton pas 11 sezonesh

Sulmuesi i Kombëtares shqiptare, Armando Broja, ka njohur trajnerin e ri që do të drejtojë skuadrën ku ai bën pjesë, Everton. Emri i konfirmuar është ai i David Moyes, dhe në këtë rast bëhet fjalë për një rikthim në skuadër, pasi skocezi ka drejtuar edhe më herët këtë ekip, konkretisht gjatë viteve 2002-2013. Më pas, ai u largua drejt Manchester United, Real Sociedad, Sunderland dhe West Ham. Pas largimit nga këta të fundit, Moyes vendosi t’i bashkohet Evertonit, që largoi Sean Dyche.

Në faqen zyrtare të Evertonit është konfirmuar lajmi për emërimin e David Moyes, i cili numëron më shumë se 500 ndeshje si trajner i kësaj skuadre në aventurën e tij të mëhershme. Siç dihet, pjesë e Evertonit është edhe ylli kuqezi Armando Broja, i cili tani duhet të bindë një tjetër trajner me shumë eksperiencë në futbollin britanik.

Sulmuesi aktualisht është i dëmtuar pas atij lëndimi në Kupë, ndërsa nuk dihet se për sa kohë do të qëndrojë larg fushave.

LEXONI GJITHASHTU:

• Vlerësohet më lart se Haaland, Broja spikat kundër City-it, nxjerr blof Phill Foden
• Premier League: Man City në krizë rezultatesh, Ruben Amorim debuton me barazim