Noka: Deputetët i kërkuan Alibeajt tërheqjen e padisë ndaj PD-së

Deputeti i Partisë Demokratike, Flamur Noka tha se në mbledhjen e djeshme e Grupit Parlamnetar, deputetët në mënyrë unanime i kërkuan Enkelejd Alibeaj që të tërhiqte padinë ndaj PD-së.

Gjatë konferencës së zhvilluar me mediat, Noka u shpreh për “Euronews Albania”, se Alibeaj nuk e gëzon të drejtën që të flasë në emër të PD-së.

“Deputetët në mënyrë unanime, i kërkuan Alibejat që të tërhiqte padinë sepse është e padrejtë dhe nuk e gëzon të drejtën që të flasë në emër të Partisë Demokratike”, tha ai.

Noka u shpreh se Kuvendi Kombëtar ka mandatuar Komisionin e Rithemelimit si të vetmin institucion që do të drejtojë Partinë Demokratike, deri më 30 prill.

Sipas tij, partia Demokratike duhet të jetë më e fortë dhe për këtë po punohet çdo ditë.

LEXONI GJITHASHTU

• Noka: Alibeaj po vazhdon lojën e Bashës dhe Ramës, kërkon përçarjen e PD-së
• Raporti i DASH tregon se qeveria është e korruptuar, thotë Noka