Noka: PD hap garën e brendshme, primaret risi në politikën shqiptare

Deputeti i Partisë Demokratike, Flamur Noka deklaroi se kjo forcë politike ka hapur garën e brendshme për kandidatët që do garojnë në zgjedhjet lokale.

Në një intervistë për “Euronews Albania”, Noka u shpreh se në PD do të aplikohen primaret, që sipas tij, janë risi në politikën shqiptare.

“Partia Demokratike në këtë vjeshtë do të hapë edhe garën e brendshme për kandidatët për kryetarët e pushtetit vendor. Primaret kanë qenë dhe janë risia më e madhe e politikës shqiptare. Është një risi që e fut për herë të parë Partia Demokratike.

Primaret janë ajo risi që i sjell pushtetit dhe vendimmarrjen anëtarit të partisë, jo kryetarit apo Kryesisë së partisë. Do të jenë anëtarët e partisë, ata që do vendosin për emrat që do t’i përfaqësojnë përballë qeverisë dhe për bashkinë. Selia qendrore, Kryesia e saj do të ketë rol honorifik në këtë proces”, theksoi Noka.

LEXONI GJITHASHTU

• ‘Ke kompani ndërtimi’, Balliu-Xhafajt: Tërhiqem nga politika nëse rezulton e vërtetë
• Rreth 1 orë në SPAK, çfarë tha ish-ministri Genc Ruli për çështjen ‘Partizani’
• ‘Do paguajnë gjobë’, Rama i prerë: Askush nuk do gëzojë 1 m2 pa leje