“Nuk dola kundër Serbisë” – Abazoviç raporton për votën pro Kosovës në KiE

Vota e Malit te Zi pro-Kosovës për anëtarësim në Këshillin e Evropës nuk ishte kundër Serbisë.

Këtë qëndrim ka mbajtur kryeministri i Malit të Zi, Dritan Abazoviç, në seancën e sotme të Komitetit Parlamentar për Marrëdhënie Ndërkombëtare dhe Emigrantë.

Ai është thirrur aty pikërisht për të shpjeguar votën pro të Malit të Zi për Kosovën në KiE. Thuhet gjithashtu se ai përmendi edhe Nenin 4 të Marrëveshjes së Ohrit, duke thënë se “një vend nuk do të ndalojë një tjetër nëse dëshiron të anëtarësohet në një organizatë të caktuar ndërkombëtare”.

“Mali i Zi votoi pro së bashku me 33 vende të tjera. Interesi i Malit të Zi këtu është më i madhi. Ai reflektohet në bashkëpunimin dhe stabilitetin rajonal. Ne nuk mund të japim një kontribut më të madh në zgjidhjen e këtyre çështjeve, por mund të jemi miqësorë dhe t’i ftojmë shtetet të gjejnë një gjuhë të përbashkët”, deklaroi ndër të tjera kryeministri shqiptar në komision, duke shtuar se shteti i tij ka marrëdhënie të mira me Serbinë.

“Kam qenë shumë kolegial, kam thënë se do të votojmë pro dhe se nuk ka asgjë kundër Serbisë. Ne jemi një vend që e kemi njohur Kosovën, jemi sjellë si të gjitha vendet që e kanë njohur, por ne i kuptojmë edhe vendet që nuk e kanë njohur Kosovën”, deklaroi ndër të tjera ai.

LEXONI GJITHASHTU:

• Vota pro për Kosovën në KiE, Abazoviç jep sot “llogari”
• “Jep llogari për Kosovën!” – Abazoviç thirret me urgjencë në Parlament