‘Nuk flas me një anti-amerikan’, Ngjela përplaset ashpër me Balliun

Avokati Spartak Ngjela u përplas ashpër me ish-deputetin demokrat Klevis Balliu në emisionin Now në Euronews Albania.

Ngjela e cilësoi Balliun anti-amerikan, pasi siç tha është pjesë e një partie kryetari i të cilës është shpallur non grata nga SHBA.

Debati nisi pas akuzave të Balliut për inceneratorët. Ngjela i kërkoi ish-deputetit fakte, duke i kujtuar se nuk ka kompetencë juridike për të bërë të tilla deklarata.

“Ti je i PD, je anti-amerikan, si mund të flasim me ty. Kryetari i partisë tënde është non grata”, tha Ngjela.

Kjo deklaratë solli reagimin e menjëhershëm të ish-deputetit demokrat që iu kthye avokat Ngjelës: “Unë kam diplomë amerikane, si mund të më thuash mua anti-amerikan”.

LEXONI GJITHASHTU:

• Sparak Ngjela braktis emisionin: Më keni thirrur me “non grata”
• Berisha do shpallet së shpejti ‘non grata’ nga Bashkimi Evropian, sipas Ballës