Eksperti i sigurisë Fabian Zhilla u shpreh se Shqipëria nuk ka kapacitete për mbrojtjen kibernetike.
Ai tha në një intervistë për Euronews Albania se jemi në një periudhë që rreziku është i pashmangshëm sepse Rusia është në luftë dhe do përdori të gjitha kapacitetet.
Eksperti rikujtoi se rusët janë të njohur edhe për ndërhyrjen në zgjedhje dhe manipulim.
“Në këtë kontekst vendet e Ballkanit Perëndimor janë shumë të ekspozuara në disa drejtime, së pari kapacitetet e tyre në mbrojtjen kibernetike, nuk i kemi në nivelet që duhet t’i kemi. Nuk kemi një inteligjencë, nuk kemi një shkollë në këtë drejtim. Unë do thosha dhe diplomacie, duhet të krijojmë një shkollë diplomacie të mirëfilltë që të dijë të trajtoj çështje të kësaj natyre,” – u shpreh Zhilla.
Ai sqaroi se për të gjitha këto duhen hapa të shpejtë dhe të sinkronizuar, si dhe shfrytëzim të kapaciteteve të plota në mënyrë që të mos përballemi me ndonjë sulm të mundshëm.
LEXONI GJITHASHTU:
