‘Nuk largohem nga Bayern’, Mane komenton situatën aktuale: Sherre të tilla ndodhin

Bayerni i Mynihut vijon përforcimet për sezonin e ri futbollistik, ndërsa Harry Kane është emri më i ri i cili pritet tu bashkohet rekordmenëve të Gjermanisë. Tratativat janë drejt përfundimit, ndërsa ardhja e tij në Allianz Arena do të thotë që një tjetër sulmues duhet të largohet nga klubi.

Situata është jo e qetë, ndërsa një nga lojtarët që nuk preferohet nga Tuchel është Sadio Mane. Sulmuesi senegalez ka pohuar se nuk dëshiron të largohet nga kampionët e Bundesligës, por vendimi i takon klubit.

 “Po, me dëshirën e Zotit do të qëndroj te Bayerni. Mua më pëlqejnë sfidat dhe Bayerni është një sfidë e madhe. Tani më takon mua të bëj gjithçka siç duhet. Ishte një sezon shumë i komplikuar. Mund të ndodhë, nuk ishte surprizë. Është normale”.

Më tej ai ka folur dhe për sherrin me shokun e skuadra Leroy Sane, të cilin e goditi me grusht.

“Sherri me Sane? Gjëra të tilla mund të ndodhin. Shkoi ashtu siç shkoi. Në fund arritëm të zgjidhnim problemin e vogël mes nesh. E kemi lënë pas krahëve atë ngjarje, i takon së kaluarës. Do të përpiqemi të luftojmë së bashku që klubi të arrijë qëllimet e tij sezonin e ardhshëm”.

Bayerni i Mynihut mbylli një nga sezonet më negative të viteve të fundit në Gjermani, ndërsa e shoqëroi dështimin me largimin e disa prej drejtuesve.

LEXONI GJITHASHTU:

• Automjeti përplaset me motorin në Sarandë, humb jetën 35-vjeçari
• GJKKO lë në fuqi 21 masat arrest me burg për grupin e trafikut të drogës