“Nuk ngopemi kurrë…” Përfaqësuesi i FSHF: Po bëhet punë vetëmohuese me skuadrën

Ardi Behari nga Federata Shqiptare e Futbollit ishte këtë të shtunë i ftuar në “Review” në Euronews Albania, ku tha se shqiptarët kanë treguar se janë popull i vështirë dhe mosbesues.

Kombëtarja Shqiptare do të shkojë pas pak ditësh në Kampionatin Europian të Futbollit që do të zhvillohet në Gjermani dhe për të arritur këtë, Sipas Beharit është dashur një punë e gjatë dhe vetëmohuese e të gjithë ekipit të FSHF.

“Ne jemi shumë të vështirë si shqiptarë. Unë mendoj se kjo fushatë eleminatore që ishte një nga kulmet e futbollit shqiptar edhe pse në fillimet e saj ishim skeptik, thamë nuk e dimë nëse do ia dalim.

Në saj të një pune të pamatë që ka bërë stafi dhe e gjithë FSHF u arrit në këto rezultate hap pas hapi, me një punë vetëmohuese dhe duke i mbajtur njerëzit me këmbë në tokë. Deri sa na çuan te ajo që dukej e paimagjinueshme në fillim, te ky kualifikim i cili nuk qe rastësot, por ishte një kualifikim i bindshëm”,-tha Behari.

LEXONI GJITHASHTU:

• Gjermania “e pushtuar” nga ngjyrat kuq e zi, Baku: Do ketë organizime në çdo qytet
• Drejt “Euro 2024”: Vodafone Albania sërish Sponsor Gjeneral i Kombëtares