Numri i lartë i divorceve, Bushati: Shoqëria në krizë, s’ka besim te e ardhmja

Shqipëria renditet e para në rajon për vitin 2020, në lidhje me numrin e divorceve. Sipas të dhënave të publikuara nga Eurostat, në vendin tonë raporti është 1.5 divorce për 1000 banorë.

Për analistin Andi Bushati, këto statistika tregojnë se shoqëria shqiptare ndodhet në krizë dhe njerëzit nuk e projektojnë të ardhmen në Shqipëri.

“Njerëzit nuk e projektojnë të ardhmen në këtë vend. Po mos të projektosh të ardhmen tënde në një vend, nuk mundet që edhe familjen ta shohësh si një bërthamë të të ardhmes në këtë shoqëri”, tha Bushati.

Analisti shtoi se shoqëria po shpërbëhet dhe shqiptarët po arratisen nga vendi.

“Është simptomë bashkë me një radhë simptomash të tjera, që tregon që jemi një shoqëri në krizë, që jemi një shoqëri që kemi humbur besimin te e ardhmja, besimin për të ndërtuar jetën në këtë vend. Tregon një shpërbërje të shoqërisë. Me rastin tone ka kryesisht lidhje, mungesa e besimit në shoqëri”, u shpreh ai.

LEXONI GJITHASHTU

• Shqipëria, e para në rajon për divorcet
• Divorcin e kërkojnë kryesisht gratë, thotë psikologu