Nutricionisti: Zbulimi i studimit për konsumin e përditshëm të vezës

Mjeku nutricionist Altin Joka që jeton në Suedi ka deklaruar se konsumimi i një kokrre vezë në ditë, rrit rrezikun e vdekshmërisë me 12% në 17 vite.

Komentet Joka i bëri në emisionin “Good Morning Albanians” në Euronews, ku tha se janë një sërë studimesh që vërtetojnë rrezikun që shkakton veza në shëndetin e njeriut.

Ai tha gjithashtu se konsumi i një kokërr veze në ditë për 15 vite rresht, sipas një studimi të Harvardit, është i barazvlefshëm për shkurtimin e jetës së një gruaje, sa pirja e 25 mijë cigareve.

“Veza përmban kolinë. Pas proceseve shndërrohet në TMA që është një rrezik për sëmundjet kardiovaskulare dhe pararendëse e tumorit të prostatës, të mushkërive, të gjirit dhe pas 12 orësh të konsumimit të këtyre elementëve të TMA që vijnë nga bulmeti dhe veza, krijojnë këto probleme.

Kemi institutin e gjakut dhe mushkërisë në SHBA që e nxori si element të rrezikshëm. 46 % e salmonelës shkaktohet nga veza. Për çdo gjysmë veze të konsumuar në ditë, vdekshmëria rritej me 7 %. Për çdo vezë të konsumuar vdekshmëria rritej me 12 % në 17 vite.

Rritja e vdekshmërisë së përgjithshme të popullatës. Një studim i Harvardit zbuloi se konsumimi ditor për 15 vite i një kokërr veze në ditë ishte i barazvlefshëm për shkurtimin e jetës së një gruaje, sa pirja e 25 mijë cigareve, pra 4-5 cigareve në ditë”, tha Joka.

LEXONI GJITHASHTU:

• “Mos hani vezë, sjell sëmundje të rënda” – Çfarë i ndodhi nutricionistit 70 vjeçar…
• Tensione edhe pas seancës plenare, Noka sulmon me vezë makinën e Taulant Ballës