“Nxora pankartën ‘Dua të votoj'”, aktivistja flet për takimin e Ramës në Milano

Takimi i radhës i Edi Ramës me diasporën ishte pikërisht dje në Milano. Nga takimi i djeshëm Rama u ka bërë thirrje emigrantëve në Itali që të kthehen në Atdhe dhe të kontribuojnë për ta çuar më shpejt Shqipërinë aty ku duhet të jetë.

Aktivistja Arlinda Lleshi tha në “Good Morning Albanians” se ky takim i kryeministrit Rama ishte më tepër një spektakël, ajo tha se së bashku me 8 persona kishin shkuar në takim me banderolën “Dua të Votoj”, por pas shfaqjes së saj, ishin nxjerrë jashtë takimit.

“Nuk e përmendi as votën e diasporës as shqetësimet reale që kanë shqiptarët jashtë vendit. Fjalimin e fundit nuk mundëm ta ndiqnim se shfaqëm pankartën tonë dhe na nxorën jashtë se nuk donin që të tërhiqnim vëmendjen. Nuk i njohim ata që na nxorën , por kam përshtypjen se ishin përgjegjësit për mbarëvajtjen e aktivitetit”,-tha aktivistja.

LEXONI GJITHASHTU:

• “Mbani çadrat me vete deri të enjten”, Hakil Osmani: Si pritet të jetë fundjava
• “Telefonat dhe lëvizjet e fundit të polices së vetëvrarë”, eksperti: Ku duhet hetuar